Vruntlike grote tovoren und wes ik gudes vormach to juwer behelicheit. Ju to wetende, leven vrunde, also ik ju wol er gebeden und geschreven hebbe, also umme de sake myt Purin und den groten schade, den he my gedaen heft, und my untweken is ut dem rechte. Worumme bidde ik ju, leven vrunde, dat gy wol doen behinderen sin erve und sin gut to rechte, dat he it nerne en vore ut juwen rechte. Und ik hebbe it Hinrik Scherenbeken, mynem ome, und Hinrik Gruwel berichtet, alle sake ju to seggen, bet dat ik it ju schryven kan. Und isset sake, dat he dar sulven is, so latet ene nerne ten, he en hebbe my recht gedaen. Hir doet by, also ik ju tobetruwe. Leven nabers, hebbet gude nacht und blyvet gesunt. Geschreven des mytwekens vor mytvasten, int jar xiiij#yc#/yxxiij.Kristger Nygsoen, rydder,hovetman up Wiborch.Adress: An de erbaren, wisen, bescheden lude, borgermester und ratlude to Revel, sal desse bref mit werdicheit. Detur littera.